Evran hetê bi hezaran kesan ra ame oxirkerdiş

Rojnameger Seyîd Evran û Fermandarê YPGyî Aslan Qamişlo hetê bi hezaran kesan ra ameyê oxirkerdiş.

Rojnameger Seyîd Evran o ke 22yê Êlule de cuya xo vîndî kerdibî û Fermandarê YPGyî Aslan Qamişlo yo ke 17ê Êlule de hêrişa SÎHAyî ya Tirkîya de cuya xo vîndî kerdibî ameyê oxirkerdiş. Girse, Qamişo de ame têhet û ver bi “Şehîdgehê Şehîd Delîl Sarûxanî” kewt raye. Fotografê Evran û Aslanî ameyê wedartene.

‘Rayîrê heqîqetî de gamêke têpîya nêeşte’

Mezelca de seba kesanê ke xoverdayîşê azadîye d cuya xo vîndî kerda payravindertişê hurmetî ame kerdene. Hemsereka TEV-DEMî Rûken Ehmede va, “Hemrayê ma Seyîd bi qelema xo, kameraya xo û xebatanê xo yê çapemenîye xoverdayîşê şarê xo û fedakarîya şehîdan mojna.”

Yewîtîya Çapemenîya Azade ra Stêrk Gulo dîyar kerd ke 30 serrî yo Seyîd Evranî şinasnena û va, “Seyîdî, şarê Rovava, Bakur, Başûr, Rojhelatî ra zaf hes kerdêne. Seyîd Kurdanê Hênê ra bi ke tîya serewedartişê Şêx Seîdî de sere weratibi. Ey vatêne ‘Kalikê mi Şêx Seîd reyde dest bi xoverdayîşî kerdo’. Seyîdî vateyê xo va, Zap ra şi Qendîl û uca ra zî şi Zagros. Rojêke zî rayîrê heqîqetî ra gamêke têpîya nêeşte. Wexto ke şorişê Rojava dest pêkerd, Seyîd bi qeleme û kameraya xo şi Rojava. Waşt vengê şarê xo birasno dinya. Bi saya nuşteyanê ey ma xeylê embazî nas kerdê. Ma do xatirayanê ey bi qeleme û kameraya xo yad bikerê û çirey xo vîrî ra mekerê.”

Qiseykerdişan ra dima Evran û Qamişlo ameyê oxirkerdiş.

MERKEZÊ XEBERAN