Hemserekê Komeleya Birca Beleke Cahît Akilî panelê ziwanî de dîyar kerd ke ziwan azad bibo, komel û kultur zî azad benê.
Komeleya Birca Beleke ya ke Cizîr de xebatanê xo ramnena, awanîya komeleye de bi wesîleya Roşanê Ziwanê Kurdkî panelêk da. Panelî de Cahît Akil û aktîvîsta TJAyî Zozan Aksû qisey kerd.
Akilî qiseykerdişê xo de va, “Şorişo tewr pîl şorişê ziwanî yo. Ziwan ke bibo azad, komel û kultur zî benê azad. Tirkîya de Tirkî bîye resmî û Kurdî ser o tedayî zêdîyayê. Ewro xeylê cayan de bi xeylê ziwanan perwerde yeno dayene. Çîn û Îsraîl de bi xeylê ziwanan perwerde yeno dayene. La mesele bêro Kurdan rewşe bedilîyena.”
Qirkerdişê kulturî
Parlamentera Partîya Çep a Keske yê Şirnexî Newroz Uysale zî qisey kerd û va, “Kurdî, polîtîkayanê dewlete yê taybetan ver perwerdeyê ziwanê dayîke ra mehrum manenê. Birêz Ocalanî va ‘Kurdî qirkerdişê fizîkî ra wet, qirkerdişê kulturî reyde ameyê têrî’. Qirkerdiş ewro ziwan û kulturî ser ra yeno ramitene.”
MA / ŞIRNEX