Arêyê 300 serreyî kerdo mûzexane

EMRULLAH / MA / GUMGUM

Mehlaya Qentermayî ya Elbîstanî de arêyêko 300 serre hetê Îbrahîm Killiyî ra açarîyayo mûzexaneyêk.

Qezaya Gumgumî ya Elbîstanî de mehlaya Qentermayî de arêyêko 300 serre hetê Îbrahîm Killiyî ra açarîyayo mûzexaneyêk. Arêyo xirabe hetê Îbrahîm Killiyî ra 2015î de ame restorekerdiş. Dima cirananê xo ra radyoyanê kehenan, televîzyonan, dêza û xilan, kupan, kilîdan, selikan, xalîyan, çilayan, meşkan û xeylê çîyanê bînan arêdano û arêyî de ca keno.

Îbrahîm Killiyî va, “Wexto ke ez doman bîya ez zaf rey ameya arê. Dewijan xeleyê xo ardêne tîya de tehnayêne. Rey-rey dore virazîyayene û 2 hefteyî nêqedîyayêne. No arê hemverê dewa ma yo. Heta 1998î ame gurînayîş.”

‘Kesê ke vînenê hîsdar kenê’

Derheqê restorekerdişî de Îbrahîm Killiyî va, “Ez merkeze Elbîstanî de esnaf bîya. Sea ke mi dewa x ora hes kerdêne, ez 10 serrî verî cû agêraya dewe û mi derûdor kerd pak û ma arê restore kerd. Seba ma orjînalîya ci mexeripnê m abi baldarî xebitîyayê. Destpêk de ma hetê ekonomîyî ra kewtê tenge. Ez bi domananê xo ameya mi derûdorê arêyî de cayê pîknîkî viraşt. Dewijê ma ekseri Ewrûpa de yê, wexto ke hamanan yenê arêyî vînenê zaf hîsdar benê.”

‘Hîkayeya teftalan esta’
Îbrahîm Killiyî va, “Teftalê ke arêyî de ca bîyê, pêroyî dewanê derûdorî ra ameyê. Seba ke mûzeyî bivînê hamnan xeylê kesî yenê dewe. Ma hema zî teftalan arê danê. Heta ma wayîranê înan reyde kewenê bazarîye. Ma wazenê tîya bikerê mûzexaneyêk û kulturê bidê ramojnayîş. Nika ciwanî yenê tîya, nêzanê xele senî yeno tehnayîş, doyê meşke senî yeno viraştiş. Ma mojnenê înan û behs kenê, ciwanî şaş manenê. Hîkayeya teftalan esta. Seba ke mûzexaneyê arêyî bivînê, ma her kesî silaynenê.