Dêra Sûrp Sarkîsî de restorasyon

• Dêra Sûrp Sarkîsî ya xîrabî ke Sûrî de mehlaya Melîk Ehmedî de ya bi destê Wezaretîya Kulturî restore bena.

OMEROS / AMED

Dêra Sûrp Sarkîsî ya xîrabî ke Sûrî de mehlaya Melîk Ehmedî de ya bi destê Wezaretîya Kulturî restore bena.

Dêra Sûrp Sarkîsî bi seran ra nat xirabî ya. Nê serranê peyênan de hinî dês û estunê aye yê mendeyî zî rijiyayêne. Xeylê cayê dêre hetê xeznekaran ra ameybî kinitiş û zerar dîbî. Heto bîn ra dêre bibî meskenê şimitoxan. Nê rojan de Wezaretîya Kulturî seba ke dêre restore bikero xabate da dest pêkerdiş.

500 serrî ra ver awan bîya

Goreyê malûmatan dêre 500 serrî ra ver ameya awan kerdene. Raşta zî dêre hetê mîmarî ra xeylê rindek a û mîmarîya ci de xususîyetanê terzê esrê xo asenê. Dêra Sûrp Sarkîsî, cumhûrîyetî ra pey demêko derg sey fabrîkaya çeltîkî ameya şuxilnayene. Înan wexto ke dêre kerda fabrîka xeylê cayê ci bedilnayo û xeripnayo. Nika bin a xebata restorasyonî do dêra Sûrp Sarkîsî newe ra biba sey halê xo yê verênî.