Awanîyê Kurd û Ermenîyan yenê çinkerdiş

Nûçeyên Komel û Cuye

duşem 5 îlonê 2022 - 16:25

  • Serekê ÇEVDERî yê Wanî Alî Kalçikî va, “Awanîyê ke nasnameyê Kurd û Ermenîyan nîşan danê, bi zanayîş yenê talankerdiş.”

Tarîxê bajarê Wanî yê verênî raseno 3 hezar serrî verî la çi heyf ke terkê qederê xo bîyo û ver bi çinbîyayîşî şino. Urartûyan 3 hezar serrî verî cû başûrê Qelaya Wanî de bajar awan kerdo. Bajar wextêko derg bi merkezê Kultur, huner, ekonomî û sîyasetî. Qasê se serran bi paytextê Urartûyan. Heta 1915î tîya de Kurd û Ermenîyî pîya cuwîyayê. Badê Terteleyê Ermenîyan, bajaro tarîxî ame rijnayîş û texrîbkerdiş. Bajar bi polîtîkayê dewlete bêwayîr verdîya. Bajaro tarîxî ewro bîyo cayê defînekaran. 

Serekê ÇEVDERî yê Wanî Alî Kalçikî va, “Tûşba de camî û dêrî, mehlayê Kurd û Ermenîyan û suke estibî. Nika nê çîyî ver bi çinbîyayîşî de yê. Yew di camîyî ameyê restorekerdiş la xanî, hemamî, qesrî û awanîyê Kurd û Ermenîyan ameyê asta çinbîyayîşî.”

Berhemo tarîxî bi topan ame parçekerdiş

Alî Kalçikî va, “Vanê kerraya ke ser de xaç esto, no nîşanê xezîneyî yo. Bi nê fikrî xeylê berhemê tarîxîyî yê Wanî raştê talankerdişî ameyê. Bajaro tarîxî de Berê Meherî esto. Ser de bi nuşteyê çixan destnuşteyêk estibi. Wextê 12ê Êlule de no ber bi topa name parçekerdiş. Bi nê wehşetan bajar ame talankerdiş. Nika Tûşda de tena xirb û kileyî mendê. Qelaya Wanî zî bîya cayê tîcaretî.”

Nê polîtîkayî bi zanayîş yenê ramitene

Serekê ÇEVDERî yê Wanî Alî Kalçikî peynî de va, “Bajaro verên bîyo halînê hermuşan. Ganî heywanî tede meyerê çerenayîş. No bajaro verên kulturê ma yo. Ganî Qelaya Wanî, Qelaya Wanîya verêne, bajaro verên û berhemê tarîxîyî bêrê pawitiş û goreyê eslê înan bêrê restorekerdiş. Xirabkerdişê berhemanê tarîxîyan bi zanayîş yenê kerdene. Wazenê kulturî, nasnameyê Kurd û Ermenîyan û erjanê înan çin bikerê. Nê polîtîkayî bi zanayîş yenê ramitene.”

ANF / WAN

parvê bike

   

Yeni Özgür Politika

© Copyright 2024 Yeni Özgür Politika | Mafên belavkirinê parastî ne.