Bajaranê Bakur û Rojhelatê Sûrîyeyî de paştî dîyaye hemleya azadîye

• Bajaranê Teqba, Minbîc û kantonê Efrîn-Şehba de eşkerarîye ameye kerdene ke seba azadîya fizîkî ya Abdullah Ocalanî xoverdayîş bêro ramitene.

Bajaranê Bakur û Rojhelatê Sûrîyeyî de paştî dîyaye hemleya ‘Abdullah Ocalanî rê azadîye, meseleya Kurdan rê çareserîye’ û gazîya xoverdayîşî ameye kerdene. Hetê Meclîsê Keyeyanê Şehîdan ra Minbîc, Teqba û Şehba de eşkerarîyê ameye dayene.

Heqanê xo yê bingeyînan ra mehrûm o

Eşkerayîyan de ame dîyarkerdiş ke Abdullah Ocalan raştê îşkenceyê psîkolojîkî yeno û heqanê xo yê bingeyînan ra mehrûm o. Ame vatene ke, “Rayber Ocalanî, bi xoverdayîşê xo meseleya Kurdan a mintiqayîye kerde meseleya globale. Naye ra zî hetê dostane Kurdan û raya pêroyîya demokratîke ra seba azadîya Rayber Ocalanî hamlelêk daye dest pêkerdene.”

Gazîya xoverdayîşê demokratîkî

Eşkerayîye de rêxistinanê heqan, pawitoxanê heqan û hêzanê demokrasî rê gazîye ameye kerdene ke wa wezîfeyê xo bikerê. Reyna şarê Kurdî û pêro şaranê azadîwaştoxan rê gazîye ameye kerdene ke seba azadîya fizîkî ya Abdullah Ocalanî xoverdayîşo demokratîk bêro ramitene.

Minbîc de rayîrşîyayîş ame kerdene

Nahîyeya Minbicî Ebû Qelqel de seba ke hêrişê Tirkîya bêrê protestokerdene rayîrşîyayîş ame kerdene û tecrîd zî ame protestokerdene. Bi eşkerayîye ke ame dîyarkerdiş ke do vera hêrişan xoverdayîş bêro pîlkerdene.

NAVENDA NÛÇEYAN