Bayindir: Heta ke tecrîd meşikîyo azadî nîna

Hemserekê Pêroyî yê DBPyî Keskîn Bayindirî va, “Heta ke tecrîd meşikîyo azadî nîna û têduştî û haştîye zî awan nêbenê.”

Rêxistinê DBPyî yê Şirnexî kongreya xo ya 1ine awanîya partîye de viraşte. Parlamenterî, MEYA-DER, ÎHD, OHD, TJA, KESK û xeylê kesî bîyê beşdarê kongre. Hemserekê Pêroyî yê DBPyî Keskîn Bayindirî kongre de qisey kerd.

‘Çereserî bî wedartişê tecrîdî bena’

Bayindirî va, “2011î ra nat Îmrali de Birêz Ocalanî ser de tecrîdêko giran yeno ramitene. Ma heta nika seba ke tecrîdî bişiknê bi xurtî nêxebitîyayê û ma zeîf mendê. Ganî her kes bizano ke heta ke tecrîd meşikîyo azadî nîna û têduştî û haştîye zî awan nêbenê. No îqtîdar vera Kurdan tena çeke nêşuxilneno. Her het ra hêrişê Kurdan keno. Îqtîdar zano ke bawerîya Kurdan çende bihêz a.”

‘Sîyaseto demoktarîk bi şarî awan beno’

Bayindirî bale ante polîtîkayanê şerê taybetî ser û va, “Ewro her cayê Kurdistanî de kungkerdoxî yenê vilakerdiş. Seba ke ciwanî raştîyan ra dûrî bikewê nê polîtîkayî yenê ramitene. Ez tîya ra veng a keyeyan dana; seba ciwanan cayê tewr biewleyî partî û sazîyê ma yê. Ma do sey sîyasetmedaran berpirsîyarîya xo biyarê ca. Sîyaseto demokratîk bi xoverdayîşê şarî awan beno. Qeweto esas xoverdayîşê şarî yo.”

Qiseykerdişan ra dima weçînayîş ame kerdene û Zîlan Yamane û Sekvan Kiliç hemserekîya DTPyî ya Şirnexî rê ameye weçînayene.

MA / ŞIRNEX