Keyeyan ra muracatê Îmraliyî

Hetê keyeyê Serekê PKKyî Abdullah Ocalanî û girewteyanê bînan ra seba ke pêvînayîş bikerê Sersozgerîya Bûrsayî û Mudirîyetê Hepisxaneyê Îmraliyî rê muracat ame kerdene.

Serekê PKKyî Abdullah Ocalanî û girewtewyanê bînan ra 34 aşmî yo xebere nîna girewtene. Hetê birayê Abdullah Ocalanî Mehmet Ocalan û vasîyê ci Mazlûm Dînçî ra seba ke pêvînayîş bikerê muracat ame kerdene. Hetê keyeyanê girewteyanê bînan zî muracat ame kerdene.

Cezayanê dîsîplînî ver pêvînayîşî yenê astengkerdene. Mabênê 2021-2023yî de 5 rey cezayê dîsîplînî ameyê dayene û pêvînayîşî ameyê astengkerdene. Sebebê nê cezayan nînê vatene û hûmarê dosyayan nînê parekerdene.

Hetê awiqatan ra tewr peynî 10ê Teşrîna Verêne de muracat ame kerdene. 13ê Teşrîna Verêne de cewab ame dayene û ame dîyarkerdiş ke cezaya dîsîplînî newîye dîyaya Abdullah Ocalanî û girewteyanê bînan.

MERKEZÊ XEBERAN