Bernameyê Festîvalê Munzirî ame eşkerakerdiş

Nûçeyên Komel û Cuye

în 8 tîrmehê 2022 - 16:21

Festîvalê Xoza û Kulturî yê Munzurî emser do reya 20ine bêro viraştene. Bernameyê festîvalî ameyo eşkerakerdiş.

Festîvalê Xoza û Kulturî yê Munzirî do emser reya 20ine bêro viraştene. Bernameyê festîvalî ame eşkerakerdiş. Festîval hetê Federasyonê Komeleyanê Dêrsimî, Beledîyeya Dêrsimî û Hêzê Kede û Demokrasîyî yê Dêrsimî ra yeno organîkerdiş. Festîval do 20ê Temûze de bi yadkerdişê Duzgin Babayî bêro dest pêkerdiş û 21-22-23 û 23yê Temûze de do Dêrsim û qezayanê ci de bi çalakîyan bêro viraştene.

Derheqê bernameyê festîvalî de Beledîyeya Dêrsimî de kombîyayîşêk virazîya û kombîyayîşî ra dima bernameyê festîvalî ame parekerdiş.

Bernameyê Festîvalê Munzirî wina yo:

*21ê Temûze de do Meydanê Seyîd Rizayî de meşaleya festîvalî bêra tavistene. Do qiseykerdişî bêrê kerdene. Ekîba govende ya Varvara-Simsime do kayanê xo kay bikerê. Standê ekolojîyî do bêrê zîyaretkerdiş.(13.00-14.30)
*Do serê Çarşîya binêerdî de bi nameyê ‘Dinya keyeyê ma ya’ kargeha resimî ya domanan abiba.(15.00-23.00)
*Kuçeyê Hunerî de do xpverdayîşê cinîyan ser o panelî bêrê viraştene û konserêk bêro dayene.(16.00-19.30)
*Verê konseranê Stadyûmî do Hemsereka HDPyî Pervîn Buldan, serekê DEDEFî û serekê Beledîyeya Dêrsimî qisey bikerê û dima konseri bêrê dayene.19.30-00.00)

22yê Temûze

*Kuçeyê Hunerî de do hozanê Dêrsimî bi panelan bêrê yadkerdene. (13.00-16.00)
*Kuçeyê Hunerî de bi beşdarîya xeylê partîyan do rewşa sîyasî ser o panelêk bivirazîyo.(16.30-19.30)
*Meydanê Seyîd Rizayî de do konseri bêrê dayene.(19.30-23.30)
*Do serê Çarşîya binêerdî de belgefîlmêk bêra ramojnayene.(21.30-22.30)

23yê Temûze

*Parka Celal Doganî de do çalakîyê domanan bêrê viraştene.(11.00-20.00)
*Derheqê heqê welatîya têduşte do panelêk bêro viraştene.(12.00-15.00)
*Kuçeyê Hunerî de do Kulturê Kirmancîye ser o panelêk bivirazîyo.(15.30-18.00)
* Kuçeyê Hunerî de do vera asîmîlasyon û talanî meşîyayîşêk bêro viraştene.(18.30-19.20)
*Serê Çarşîya binêerdî de do belgefîlma ‘Domanê 38î’ bêra ramojnayene.(21.30-22.30)
*Do Xozatî de zî panel û konserî bêrê dayene.

24ê Temûze

*Kuçeyê Hunerî de do panelê heqê merdiman bêro viraştene.(13.00-15.00)
*Kuçeyê Hunerî de do talanê xoza û ekolojîyî ser o panelêk bivirazîyo.16.00-18.00)
*Mîkaîl Aslan û Metîn Kemal Kahramanî zî tede stadyûmî de do konseri bêrê dayene.(19.30-00.00)

MA / DÊRSIM

parvê bike

   

Yeni Özgür Politika

© Copyright 2024 Yeni Özgür Politika | Mafên belavkirinê parastî ne.