Bîlançoyê şerî yê aşma Sibate

HBGyî dîyar kerd ke, aşma Sibate de vera hêzanê ci 142 rey topê fosforî, çekê qedexekerdeyî û çeke kîmyewîyî ameyê gurînayîş.

Hetê HPGyî ra derheqê bîlançoyê şerî yê aşma Sibate de malûmatêk ame dayene. Xebere ANF de ca girewt. Malûmatî de ame vatiş ke, seba erdlerze qerarê çalakînêkerdişî amebi girewtene la reyna zî hetê Tirkîya ra hêrîşî yenê kerdene. Malûmatê HPGyî de ame vatiş ke, “Warê Pawitişî yê Medyayî, bi teyareyanê şerî, bi helîkopteran, bi tank, top û obusan xeylê rey ameyê bombakerdiş.” Ame dîyarkerdiş ke, rojanê peyênan de vera şerwananê Zapî bombayê fosforî û çekê kîmyewîyî yenê gurînayîş. Reyna ame dîyarkerdiş ke, şerwanan seba ke xo bipawê 47 rey cewabê hêrîşan dayo.

Goreyê malûmatî, mabênê 1 û 28ê Sibate de vera mintiqa 30 rey bi teyarayan, 18 rey bi helîkopteran, 874 rey zî bi tank, top û obusan hêrîşî bîyê. Ameyo dîyarkerdiş ke, 142 rey bombayê fosforî û çeke qedexekerdeyî ameyê gurînayîş. Goreyê malûmatî, hetê HPGyijan ra tayê mewzî û wesayîtî ameyê îmhakerdiş û helîkopterêk darbe werda.

MERKEZÊ XEBERAN