Çalakîya grevê vêşanîye 40 rojî yo dewam kena

Çalakîya ke bi waştişê ‘Abdullah Ocalanî rê azadî, meseleya Kurdan rê çarreserî’ yena kerdene 40 rojê xo qedînayê.

Çalakîya grevê vêşanîya ke bi waştişê azadîya fizîkî ya Serekê PKKyî Adullah Ocalanî yena kerdene 40 rojê xo qedînayê. Çalakîya ke hepisxaneyanê Tirkîya û Kurdistanî de hetê girewteyanê sîyasîyan ra yena kerdene dewam kena. Abdullah Ocalan û 3 girewteyanê bînan ra 34 aşmî yo xebere nîna girewtene.

Seba ke tecrîdê Îmraliyî bêro wedartene û azadîya fizîkî ya Ocalanî bêra awankerdene 10ê Teşrîna Verêne de 74 merkezî de kampanyaya ‘Abdullah Ocalanî rê azadî, meseleya Kurdan rê çareserî’ dîyaybî dest pêkerdene.

Kampanya kewte aşma xo ya 3yine. Hetê girewteyanê sîyasîyan ra 27ê Teşrîna Peyêne de çalakîya grevê vêşanîye dîyaye dest pêkerdene. Çalakî do heta 15ê Sibate 2024î dewam bikera.

MERKEZÊ XEBERAN