Sara, Rojbîne û Ronahîye Kobanê de ameyî yadkerdene

Sakîne Cansize, Fîdan Dogane û Leyla Şaylemeze 9ê çeleyê 2013yî de Parîs de ameyî qirkerdene. Şarê Kobanê seba şehîdan bi meşaleyan rayra şî.

Seba şehîdanê Qirkerdişê Parîsî Sakîne Cansiz (Sara), Fîdan Dogane (Rojbîne) û Leyla Şaylemeze (Ronahîye) Kobanê de bi meşaleyan rayraşîyayîş ame kerdene.

Rayraşîyayîş serkêşîya Yewîya Cinîyan ê Ciwanan û Têgêrayîşê Ciwanan ê Şorişgêran de ame kerdene. Rayraşîyayîş de vera vera sloganê sey “Şehîd namirin”, “Bijî Serok Apo” û “Jin, Jiyan, Azadî” ameyî vatene.

Rayraşîyayîş de Endama Yewîya Cinîyan ê Ciwanan Nadîya Axasî pare kerd ke Qirkerdişê Parîsî hetê dewleta tirke ra ameyo kerdene û ê do heta peynî wayîrê mîrasê şehîdan vejîyê.

Çalakîya rayraşîyayîşî bi sloganan qedîyaye.

XWEBÛN