Ciwanî rêça verênan ra şonê

Nûçeyên Komel û Cuye

çarşem 18 gulanê 2022 - 16:15

  • Bi ameyîşê wisarî, ciwanan xo xemilna û înan verê xo da wareyan.

Bi ameyîşê wisarî, ciwanan xo xemilna û înan verê xo da wareyan.

Şirnex Qilabanî de ciwanan xo xemilna û verê xo da wareyanê berzan. Wisar ke ame welat xo xemilneno û wareyê berzî veng a şarî danê. Ciwananê Qilabanî zî her wisar xo xemilnenê û vere xo danê wareyan. Ciwanî hem tar çînenê hem zî kayan kaykenê.

Verpaşta Kela Memî de govende

Ciwanan xo eşt verara Kela Memî. Ciwanan qilê Kela Horî ser de ameyê pêser. Ciwanan hêverî sungî arê daye û dima înan bi govendanê ‘Emer Axa’, ‘Şêxanî’, ‘Sêgavî’, ‘Bablekan’ û ‘Herebeso’ kay govende girewte. Govende ra dima, ciwanan kayanê ‘Şakika Mijîn’ û ‘Hozalok’e kay kerdê. 

Kayê Xezaloke

Kayî de hêverî sînorêk yeno dîyarkerdiş. Kaykerdoxî sînorî ra 50 metre kewenê dûrî. Dima yew beno şiwane û yew zî beno xezale. Xezale mînderêk ser de ronişena. 2 layî bestîyenê mînderî ro. Yew 5 metre yo yew zî 4 metre yo. Ganî şiwane xezale vergan ra bipawo. Layo derg destê şiwaneyî de yo. Vergî zî wazenê bi layê kilmî xezale biancê heta sînorî. Eke vergî biginê şiwaneyî ra, ê zî benê xezale û kay bin o qeyde dewam keno.

Şakika Mijîne

No kay nameyê xo dewa Mijîne ra geno. Na dewe hete dewlete ra ameybî vêşnayîş. Kayî de hêverî sînorêk dîyar beno û kaybazî nê sînorî ra 50-60 metre kewenê dûrî. Dima yew weçînîyeno û çimê ci bi kêfîye bestîyenê. Kaybazî dormaleyê ey de helqayêk virazenê. Yew teber ra kayî îdare keno. No raye mojneno çimbesteyî. Çimbeste zî wazeno destê xo bido kaybazanê bînan ro. Wexto ke destê xo da yewî ro, kaybazê bînî bi kêfîyan ey heta sînorî fetilnenê. Dima fetilnayox keweno mîyan û çimê ey bestîyenê. Ciwanî bi nê kayan edetanê verênan pawenê û vîrrayîyayîşî ra xelisnenê. 

MA / ŞIRNEX

parvê bike

   

Yeni Özgür Politika

© Copyright 2022 Yeni Özgür Politika | Mafên belavkirinê parastî ne.