‘Defceno Pernaye’

• Muherrem Yildiz o Dêrsimij domantîya xo ra nat def cineno. Muharrem Yildiz Dêrsim de sey ‘Defceno Pernaye’ yeno şinasnayîş.

CENGÎZ OZBASAR / MA-DÊRSIM

Muherrem Yildiz o Dêrsimij domantîya xo ra nat def cineno. Muharrem Yildiz Dêrsim de sey ‘Defceno Pernaye’ yeno şinasnayîş.

Dej mîyanê şaranê rojhelatê mîyanênî de enstrûmano zaf muhîm o. Muzîkê gelêrî yê Kurdan de wayîrê cayêkî taybetî yo. Reyna dej veyve û şayîyan de enstrûmano sereke yo. Muharrem Yildizo ke Pertêga Dersimî de cuwiyeno bi eşqî dano defe xo ro.  Yildiz vano, “Ez doman bîya û wexo ke def ameyêne kuwayîş, mi waştêne ez zî bicinî. Ez defî musaya û dima mi dest bi zirna zî kerde la seba ke heyecanê mi berz o û zirna de nefese mi birîyeno, mi zirna caverda û mi bi defî dewam kerd. 

Muharrem Yildiz vano, “Des serrî cuwaver Margêrt de veyveyêk de domanêk ame mi ver û va ‘Keko ti zaf heyecanin danê piro, eynî sey pernayeyan’. No vate zaf weşa mi şî û mi kartvîzîtî çap kerdê û mi ser o nuştê ‘Defceno Pernaye’. A roje ra nat her kez mi ra vano ‘Defceno Pernaye’. Xeylê kesî nameyê mi nêzanê.

‘Ez defê xo ra zaf hes kena’

Muharrem Yildiz wexto ke defî cineno, xo ra şino, xo erzeno erd û erdî de defe xo cineno. Yildiz vano, “Yew mi ra biwazo ez nêşnena, nêbeno, ganî zerra mi ra bêro. Ez defê x ora zaf hes kena û ez vana qey o zî mi ra hes keno.”