Colemêrg de vera binçimgirewtişan nêrazîbîyayîşî ameyê ramojnayene

Parlamenterê Partîya Çep a Keskê yê Colemêrgî Onur Duşunmezî va, “Wazenê welatîyan bi binçimgirewtişan krîmînalîze bikerê.”

Derheqê binçimgirewtişan de hetê HDP û Partîya Çep aKeske ya Colemergî ra malumatêk ame dayene. Dayîkê Haştîye, parlamenterî, ÎHD, OHD û xeylê  welatîyî bîyê beşdarê malumatî.

Dayîkî û astengdarî gêrîyayê binê çimî

Parlamenter Onur Duşunmezî malumatî de qisey kerd û va, “Mîyanê kesê ke gêrîyayê binê çimî de dayîkî û astengdarî estê. Nê binçimgirewtişî bêhiqûq ê. Nezaretxaneyî hîjyen ra dûrî yê û hetê fizîkî ra zî xirab ê. Bi operasyonanê şefeqî binnçimgirewtişê welatîyan nîno qebulkerdene. Ma zanê ke înan ra çîyêk nêvejîyeno. Nê operasyonî verê 15ê Tebaxe bîyê û wazenê welatîyan krîmînalîze bikerê. Her serre nîya merdimî yenê girewtene û dima yenê veradayîş.”

Qiseykerdişê Duşunmezî ra dima hetê şarî ra sloganê ‘Ma vera tedayan game tepîya nêerzenê’ ameye eştene.

MA / COLEMÊRG