Fotografê şîdetê polîsan: Doktorî raporê ‘seredejî’ da

Gever de ciwanî bi îşkence gêrîyayê binê çimî û hetê doktorî ra tena raporê ‘serêdajî’ dîya înan.

Qezaya Colemergî ya Geverî de serê sibayî polîsan eşt keyeyan ser û xeylê ciwanî bi îşkenceyan gêrîyayê binê çimî. Polîsan, ciwanê ke gêrîyayê binê çimî berdê nêweşxane û dima zî ê berdê emnîyet.

Fotografê şîdetî

Ciwanan ra Mustafa Bor raştê îşkenceyê polîsan ame û fotografê ci ameyê parekerdene. Fotografan ra aseno ke sareyê ci şikîyayo û leşa ci bîya sîya û bibirîne.

Raporê ‘seredejî’

Eşkera bi ke doktorî tena raporê ‘seredejî’ dayo Mustafa Borî. Awiqat Eren Baskinî hesabê xo yê medyaya sosyale ra pare kerd ke, “Nêweşxaneyê Geverî de raporê ‘herinda derban çin a’ dîya Mustafayî. Awiqatanê ma teda kerd û reyna neqlê neweşxaneyî bi. Pêro herindê îşkenceyî gêrîyayê binê qeydî. Ma seba îfadeyan pawenê.”

MA / COLEMÊRG