3 polîsê îşkencekarî tehlîye bîyê

Polîsê ke Licê de domanê 14 serre Y.D. rê îşkence kerdibî tehlîye bîyê.

Qezaya Amedî Licê de 21ê Adare de domano 14 serre Y.D. hetê polîsan ra ame remnayene û raştê îşkenceyan ame. Dima 3 polîsê îşkencekarî ameyê girewtene. Nê 3 polîsî tehlîye bîyê.

Baroya Amedî derheqê qerarî de malumatêk weşana û ame vatiş ke, “Mehkemaya Cezaya Giran a 1ine ya Dîyarbekirî bi zafê rayan derheqê polîsan de qerarê tehlîye dayo. Pêro delîlê îşkenceyî estê la politikaya bêcezaverdişî yena ramitene. Ma do prosesê hiqûqîyî biramnê.”

Se bibi?

21ê Adare de Licê de Y.D. yo 14 serre hetê polîsan ra ame remnayene. Polîsan ci ra va ganî ti vajî ez tirk a, kurdan rê nengan biçîne û marşa îstîlalî biwane. Dima dest û çimê ey ameyê bestiş û polîsan o eşt kişta rayîrêk. Dewijêk Y.D. dîbi û berdibi nêwweşxane. Taluke esto ke doman çimêkî xo vîndî bikero. 

MA / AMED