CPJ: Hûmara rojnameyanê girewtîyan xeylê zêdîyaye

Komîteya Pawitişî ya Rojnamegeran(CPJ) dîyar kerd ke, 2022yî de hûmara rojnamegeranê girewtîyan xeylê zêdîyaya û Tirkîya dora 4ine de ya.

CPJyî raporêk weşana û raporê xo de va, “Pêro dinya de hûmara rojnamegeranê girewtîyan de na serre rekorêk esto.”

Raporî de ameyo dîyarkerdiş ke, 363 muxabîran seba ke karê xo kerdo azadîya xo ra mehrûm mendê. Eşkera bîyo ke, goreyê serra verêne hûmara rojnamegeran de se ra 20 zêdîyayîş esto û na rewşêka zaf xirab a. 

Raporî gore emser tewr zêde Îran, Çîn, Myanmar, Tirkîya û Rusyaya Sipîye de rojnamegerî erzîyayê hepis.

Rapor de bale ancîyaye tehdayanê Tirkîya û Îranî yê vera rojnamegeranê Kurdan:

“Îran de 9 rojnamegerê Kurdî protestoyan de erzîyayê hepis. Tirkîya zî rojnamegeranê JINNEWSî, Ajansê Mezopotamyayî û xebatkarê şîrketanê viraştişî zî tede 25 rojnamegerê Kurdî eşte hepis.”

Reyna raporî de ame dîyarkerdiş ke, Kurdistanê Başûrî de zî 3 rojnamegerê Kurdî erzîyayê hepis.

Ame dîyarkerdiş he Tirkîya de hûmara rojnamegeranê girewtîyan resaya 40î û qisawetî estê ke qanûnê sansurî ver hêrîşî do bizêdîyê.

MERKEZÊ XEBERAN