Cuya Besê Anûşe bîye romanêk

• Besê Anûşe gerîlaya cinîya Kurdan ya verênan ra ya. Cuya aye bi romanêkî otobîyografîkî ameya nuştene.

Besê Anûşe gerîlaya cinîya Kurdan ya verênan ra ya. Cuya aye bi romanêkî otobîyografîkî ameya nuştene.

No romano otobiyografik serranê 2000î de nusîyayo û hetê Newaya Jin ra hedre bîyo. Roman nika hem Kurdkî hem Tirkî ameyo çapkerdiş. Roman behsê cuya Besê keno. Besê Anûşe verî ke şîbî gerilla, dewe bi dewe gêrayêne û şarî ra vatêne agêrê kultur, ziwan û raştîyanê xo ser. 

Şahida Qetlîamê Meraşî ya

1980î ra ver Meraş tim raştê hêrişanê faşîstan ameyêne. Besê Anûşe Meraş de ameybî tepiştiş û îşkenceyê giranî dîbî. La Besê Anûşe teslîm nêbî û îşkence de xo ver da. Îşkencekaranê aye ra yew vano, “Zaf zaf îşkenceyê aye kerde la ma  nêşkayê tekellumêk fek ra bigerê. Ma waşt wa biqîro la aye sewtê xo nêkerd.” Besê Anûşe wexto ke serbeste manena, verê xo dana refê gerîllayan. Besê rojêk embazanê x ora vana, “Wexto ke ez şehîd bikewî, ez zan abi hezaran cinîyî do sîlehê mi erdî ra wedarê û bi hezaran cinîyî do koyanê Kurdistanî de şer bikerê.” Wendoxî ke biwazê na efsaneya Kurdan bişinasnê, wa nê kitabî peyda bikerê û Koyanê Kurdistanî de bivejîyê raywanîyêka pîroze.

MERKEZÊ XEBERAN