Rejîmê Îranî nêverda cinazaya derhênerê Kurdî bêra definkerdene

Rejîmê Îranî nêverda cinazaya derhêner Mensûr Kerîmîyanî Sinê de bêra definkerdene. 

Derhêner Mensûr Kerimîyan, hêrişa hewayî ya Tirkîya de 26ê Kanûne de cuya xo vîndî kerde. Rejîmê Îranî nêverda cinazaya ey bajarê Rojhelatî yê Sinê de bêra definkerdene.

Keyeyê Kerîmîyanî, xebera mergî ra dima ameyê Bakur û Rojhelatê Sûrîyeyî û merasîmêk ra dima ver bi Sinê kewtê raye. Sinê de hêzanê rejîmê Îranî nêvarda ê cinazaya xo defin bikerê.

Keyeyê Kerîmîyanî hefteyêk ser o gêra la rejîmî nêverda ê cinazaya xo defin bikerê. Naye ser o keyeyê ey qerar girewt ke cinazaya xo Silêmanîye de defin bikerê.

Cinazaya Mensûr Kerîmîyanî do 7ê Çeleyî de Mezelcayê Şêx Ebasî de bêra definkerdene.

Mensûr Kerîmîyan, serra 1984î de Sinê de ame dinya. 20 serrê xo dayê karê sînema. 2 serranê peyênan de karê xo Bakur û Rojhelatê Sûrîyeyî de ramitêne. Kerîmîyanî, hêrişa hewayî ya Tirkîya de cuya xo vîndî kerde.

MERKEZÊ XEBERAN