Şarê Qamişloyî serrgêra ronîyayîşê PKKyî bimbarek kerde

PKK 45 serrî verî cû qezaya Licê ya Amedî de dewa Fîsî de ronîya. Ewro her cayê Kurdistanî de bimbarekkerdişî dewam kenê. Şarê Qamişloyî zî ronîyayîşê PKKyî bimbarek kerd.

Serrgêra 45. ya ronîyayîşê PKKyî kantonê Qamişloyî yê Rojawanê Kurdistanî de ameye bimbarekkerdene.

Meclîsê Keyeyanê Şehîdan ê Qamişloyî bi wesîleya serrgêra 45. ya ronîyayîşê PKKyî rayraşîyayîşêk viraşt. Roniştoxan dima verê Merkezê Kultur û Hunerî yê Mihemed Şêxoyî de govende girewte.

Dêrik de Yewîya Cinîyan ê Ciwanan û Têgêrayîşê Ciwananê Şorişgêran ê Sûrîye çalakîye viraşte. Şarî bi wesayîtan konvoy viraşt, Goristanê Şehîd Xebat Dêrikî de serê goranê şehîdan de findî vistî ta. Dima zî girseyî Warê Şehîd Bêremî de govende girewte.

XWEBÛN