Dayîkê Haştîye: Çareserî Ocalanî de ya

în 5 tebaxê 2022 - 16:59

  • Endamê Dayîkanê Haştîye Rihayî do mîtîngê Dîyarbekirî de seba azadîya Ocalanî vengê xo berz bikerê.

Endamê Dayîkanê Haştîye Rihayî do mîtîngê Dîyarbekirî de seba azadîya Ocalanî vengê xo berz bikerê.

HDP do 6ê Tebaxe de Dîyarbekirî de mîtîng bivirazo. Meclîsa Dayîkanê Haştîye ya Rihayî gazî kerde ke bi taybetî cinîyî û her kes wa beşdarê mîtîngî bibo. Dayîkan va çareserîye do Birêz Abdullah Ocalanî ra bêra. 

‘Wa dayîkî hinî mebermê’

Endama Meclîsa Dayîkanê Haştîye ya Rihayî Adalet Çaye va, “Wa dayîkî hinî mebermê. Her ca de gonî esta. Wa no şer hinî biqedîyo. Ma do mîtîngê Dîyarbekirî de seba haştîye vengê xo berz bikerê. Eke Birêz Ocalan azad bo, do haştîşe awane biba. Birêz ocalanî reyde pêvînayîşî bibê, na gonî vindena. Ganî pêro cinîyî seba çareserîye beşdarê mîtîngê Dîyarbekirî bibê.”

‘Şer qederê Kurdan nîyo’

Dayîkanê Haştîye ra Hadle Ogure va, “Mîtîng do vera şerî bêro viraştiş. Ganî hinî haştîye awane biba. Ma nêwazenê kes bibermo. No şer wa hinî biqedîyo. Qederê Kurdan şer û bermayîş nîyo. Çar hetê Kurdistanî de şer esto. Ma dayîkî na rewşe qebul nêkenê. Dayîkî paştî bidê yewbînî do haştîye bêra.”

‘Ma ganî nê adirî hewna bikerê’

Dayîka Haştîye ya kedkare Aynur Yilmaze va, “Haştîye do bi destê dayîkan bêra awankerdiş. 50 serran ra nat şer esto. Zerra ma vêşaya û ma nêwazenê zerra kesêkî biwêşa. Çarrserî şer nîyo, dîyalog o. Ganî vernîyê dîalogî bêro akerdene û pêro dayîkî pîya nê adirî hewna bikerê.”

MERKEZÊ XEBERAN

parvê bike

   

Yeni Özgür Politika

© Copyright 2022 Yeni Özgür Politika | Mafên belavkirinê parastî ne.