Demîrtaş: Ocalan awankerdoxê aştîye yo tewr tesîrdar o

Hemserekê HDPyî yo verên Selahattîn Demîtaşî rojnameyê Yenî Yaşamî rê nuşto.

Hemserekê HDPyî yo verên Selahattîn Demîrtaşî hepis ra seba rojnameyê Yenî Yaşamî nuşteyêk nuşto. Demîrtaşî nuşteyê xo de vato, “Ocelan hem zere de hem teber de awankerdoxê aştîye yo tewr tesîrdar o. Heta ke paştîdayîşê ey nêbo, raywanîya aştîye nêşina sere. PKK tena goş nana vateyanê Ocalanî ser.”

Demîrtaşî nuşteyê xo de va ganî raştîyî bêrê vatene tayê tespîtî bêrê kerdene ke ma bieşkê raye bigerê. Demîrtaşî nuşteyê xo de vato;

*Tecrît siyaseten zî xelet o. Ocalan qisey bikero şer nêzêdîyeno, rayîrê çareserîye abenê. Vere cû ey çend rey nê rayîrî akerdê.
*Ganî çareserîye bêra pawitene. Ganî cuyayîş bêro pawitene. Prosesêkî çareserîye lazim o la heqê her kesî esto ke tewir û rayîranê ci ser o rexneyan bikero. 
*Wazenê Ocelanî sey paştîdayoxê AKPyî ramojnê. No bin ra xelet o û neheqî ya. Birêz Ocalan seba aştîye wazeno îhtîmalanê tewr qijkekan zî pîl bikero. Wayîrê ferasetî yo û aştîye nêdano weçînayîşêk.
*Ocalanî heta nika talîmatêk nêdayo HDPyî. Terzê ci nîyo. Pêşnîyazan û gazîyan keno. Partîyê bînî û HDP zî pêşnayazanê ey cîddî gena la HDP bi xo îdareyêk a.
*Hem zere de hem teber de Ocalan awankerdoxê aştîye yo tewr tesîrdar o. Heta ke paştî medo aştîye nêşina sere. 
*Nika nîyet û kapasîteyê çareserîye AKPyî de çin o. Xora sîstemê înan puwayo. Her gama înan hemleya weçînitîşî ya. Weçînitoxê ma nînan şinasnenê.
*Ganî ma mevajê gelo ê do newe ra çîyêk bikerê yan ney. Hêzê muxalefetî ganî meseleya Kurdan ser o sîyasetê xo eşkera bikerê. Eke mekerê, îqtîdar do na meseleye îstîsmar bikero.

MERKEZÊ XEBERAN