Derheqê 16 rojnamegeranê Kurdan de qerarê dewamê tepiştişî ame dayene

çarşem 13 tîrmehê 2022 - 15:27

Hakîmtîya Cezaya Sulhî ya 5ine ya Dîyarbekirî derheqê rojnamegeranê Kurdan de qerarê dewamê tepiştişî da.

8ê Hezîrane de 20ê înan rojnameger 22 kesî gêrîyayê binê çimî. Nê 22 kesî 8 rojî binê çimî de mendê û sewqê Edlîyaya Dîyarbekirî bîyê. 16ê Hezîranede îfadeyê înan ê sawcitîye qedîyayê û înan ra 16 kesî îddîayê ‘endamê rêxistinî’ ameyê tepiştene. Hetê mehkema ra erjnayîşo rewşa aşmane ame kerdene û qerarê dewamê tepiştişî ame dayene.

Kontrolo edlî qîm nêkerdo

Mehkema erjnayîşê xo de vata, “Seba ke derheqê sucdarîye de delîlî estê û şikê sucdarîyê estê, goreyê qanûnan kontrolo edlî na newşe de qîm nêkena û goreyê CMK 108î qerar dîyayo ke ganî halê tepiştişî dewam bikero.”

Se bibi?

8ê Hezîrane de zafê înan rojnameger 22 kesî gêrîyaybî binê çimî. 8 rojan ra dima ê sewqê edlîya bîyê û 16 rojnamegerî ameybî tepiştene. Awiqatanê înan kerdibi eşkera ke, deerheqê karanê rojnamegeran de persî ameybî persayîş û bê delîlan ê bi îddîayê ‘endamê rexistinî bîyayîş’î ameybî tepiştene. Awiqatan vera nê qerarî îtîrazê xo kerdibî.

MA / MED

parvê bike

   

Yeni Özgür Politika

© Copyright 2022 Yeni Özgür Politika | Mafên belavkirinê parastî ne.