Dêrsim: Polîsan destûrê Rayraşîyayîşê Demokrasîyî nêda

pêncşem 18 hezîranê 2020 - 10:43

  • Polîsan grubê ke seba beşdarîye Rayraşîyayîşê Demokrasîyî yê HDPyî Dêrsim û  Şirnexî ra kewtî rayîr asteng kerdî.

Gruba ke seba ke beşdara Rayraşîyayîşê Demokrasîyî yê HDPyî ya Colemêrgî biba vizêr Dêrsimî ra kewte rayîr, Kuçeyê Hunerî de eşkerayîye kerde. Eşkerayîye ra dima grube waşt ke ver bi Otogarê Dêrsimî şora la polîsan nêverda. Hemserekê HDPyî yê Dêrsimî Nurşat Yeşîlî vat: ''Astengkerdişê heqan ê meşrûyan provakasyon o.''

Yeşîlî da zanayene ke Rayraşîyayîşê Demokrasîyî seba edalet, demokrasî, qanûnê bingeyî, çareserîya meseleya kurdan yeno kerdene û vat: ''Ma seba Leyla Guven, Musa Farisogullari, Enîs Berberlîoglu rayîrî ra şinê ke dest nîya wekîlîya înan ser. Ma seba Selahattîn Demîrtaşî, Fîgene Yuksekdag, Gultene Kişanak rayîrî ra şinê ke ameyî esîrgirewtene. ''

Grube eşkerayîye ra dima waşt ke ver bi Otogarê Dêrsimî şora la polîsan nêverda. Grube sloganê ''Vera faşîzmî mil bi mil'' ame vatene. EMEP û SMFyî zî paştî da grube.

HDPyîjê ke Şirnexî ra ver bi Amedî kewtêne rayîrî hetê polîsan ra ameyî astengkerdene. Hemşaredarê Hezexî Murat Şen û Songule Erdem ê ke dest nîya wezîfeyê înan ser, rayîrê Hezexî de polîsan verê konvoyê înan girewt. Grube astengkerdişî ra dima agêraye.

parvê bike

   

Yeni Özgür Politika

© Copyright 2020 Yeni Özgür Politika | Mafên belavkirinê parastî ne.