Dewijî hetê eskeran ra darb bîyê, awiqatî zî raştê îşkenceyî ameyê

duşem 27 hezîranê 2022 - 16:57

  • Eskeran Geverî de heqeretê dewijan kerd û ê berdê mintiqaya operasyonî. Mîyanê dewijan de domanî û cinîyî zî estibî.

Eskeran Geverî de oporasyon da dest pêkerdiş. Înan heqeretê dewijan kerd û ê berdê mintiqaya operasyonî. Mîyanê dewijan de domanî û cinîyî zî estibî.

Eskeran Heqarî Geverî de mintiqaya Astenga Reşe de demêk ra ver operasyon dabi dest pêkerdiş. Goreyê malûmatan şer bîyo giran. Eskeran eşt dewanê mintiqaye ser û 20 dewijî darb kerdê. Mîyanê dewijan de domanî zî estê. Eskeran dewijî bi zor berdê mintiqaya operasyonî. 

Dest nîyayo telefonanê înan ser

Goreyê malûmatanê şarê mintiqaye, hetê eskeran ra dest nîyayo telefonanê dewijan ser. Şiwaneyê dewa Şîşemzîne zî gêrîyayê binê çimî û eskeran înan ra vato, ‘Şima dua bikerê cinîyî estê, yan ney ma zanitêne ma do se bikerdêne şima’. 

20 kesan ra 2 kesî doman ê

Eskeran 20 dewijî berdê mintiqaya operasyonî. Înan ra 4 kesî welatîyê Îranî yê û şiwane yê. Mîyanê înan de 2 domanî estê. Nameyê dewijanê ke gêrîyayê binê çimî nê yê: “Zozan Turgut (45), Nevîn Turgut (8), Rahmi Turgut, Rojhat Turgut, Deniz Turgut, Necmettîn Turgut, Nedim Turgut, Îzzettîn Turgut, Behçet Engudar, Firat Engudar, Demhat Engudar, Bîrhat Engudar ve Ozgur Engudar.”

Awiqatî raştê îşkenceyan ameyê

OHDyî ra awiqayî seba rewşa dewijan şîyê qereqol, awiqatî raştê îşkenceyan ameyê, erdî ra ameyê kaşkerdiş. Hemserekê OHDyî Harîka Gunay Karataş û Firat Îke şîyê qereqol la ê raştê îşkenceyan ameyê. Leşanê awiqatan de herindê darban virazîyayê. 
Tacîz, nengî û îşkenceyî

Harîka Gunay Karataş va, “Ma seba rewşa dewijan şîyê qereqol. Ma muvekkîlê xo dîyê la ê raştê îşkenceyan ameybî. Ma waşt mudaxelê bikerê la ma zî raştê îşkenceyan ameyê. Talîmatê îşkenceyan hetê Qomûtanê Jendermeyî yê Qeza Bayram Konakî ra ame dayene. Ma darb bîyê, înan ma erdî ra kaş kerd û bi zor nişna wesayîtanê ma. Ma bi îşkenceyan, bi tacîzan û nengan qereqol ra ameyê vetiş.”

MA / COLEMÊRG

       

parvê bike

   

Yeni Özgür Politika

© Copyright 2022 Yeni Özgür Politika | Mafên belavkirinê parastî ne.