Dewaya Vartînîsî ameye vistene

Hetê hiqûqnasan ra qerar ame rexnekerdiş û înan dîyar kerd ke bêcazaverdiş bîyo polîtîkayêk.

3yê Teşnîna Verêne 1993yî de nahîyeya Mûşî ya Vartînîsî de hetê eskeran ra keyeyêk ame veşnayene û 9 kesî ameyê qetilkerdene. Mehmemaya Dewaya Vartînîsî Kirikkale de ameye kerdene û dewa vîyertişê wextî ver ameye vistene. Qerar hetê hiqûqnasan ra ame şermezarkerdene.

Vernîya Edlîyeya Kirikkaleyî de eşkerayîye ameye kerdene. Ayşe Ogut a ke qetlîamî ra weş xelisîyaybî, Parlamentera HEDEPî ya Mûşî Sumeyye Boze, awiqatanê dewa ra Serekê Baroya Mûşî Kadîr karaçelîk, Serekê Baroya Wanî Sînan Ozaraz û endamê Baroya Enqera û endamê OHDyî bîyê beşdarê eşkerayîye.

‘Kulturê bêcezaverdişî bîyo polîtîkayêk’

Serekê Baroya Mûşî Kadîr Karaçelîkî va dîyar kerd ke 2013yî de dewa ameye akerdene û dewa sirgunê Kirikkaleyî bîyê. Karçelîkî va, “Ma 10 serrî yo ke edlîyeya nê bajarî de edalet gêrenê la qerarêko newe ame dayene. Dosya vîyertişê wextî ver ameye vistene. Faîlî nêameyê peydakerdene û kulturê bêcezaverdişî sey polîtîkayêk yeno ramitene.”

‘Sûcê merdimîyê tabîyê vîyertişê wextî nîyê’

Serekê Baroya Wanî Sînan Ozarazî dîyar kerd ke kesê ke ameyê qetilkerdene Kurd bî û bingeyê qetlîamî sîyasî yo. Ozrazî va, “No sûcê merdimîye yo. Sûcê merdimîye tabîyê vîyertişê wextî nîyê. Dosya vîyertişê wextî ver ameye vistene û marûzê polîtîkaya bêcezaverdişî bîye.”

MA / KIRIKKALE