Dezgeyanê Elewîyan seba 27ê Sibate gazîya mîtînge kerde
yekşem 13 sibatê 2022 - 22:36
Hukmat wazeno dersanê dînî yê zarurîyan heta 4-5 serran biyaro war. Dezgeyanê Elewîyan va, “Ma vînenê ke ê wazenê şeraatî biyarê. Ma seba perwerdeyêkî hemdem, têduşt û azadî gazîya mîtînge kenê.
6 dezgeyanê Elewîyan vato ma nê zulmî qebûl nêkenê. Mîtînga ma do 27ê Sibate saete 15.00 de Kadikoy de biba. Înan derheqê mîtînge de malûmatêk weşana û va, “Pêro gandeyê nê welatî, vera veyşanî, tehda û qetlîaman mücadele kenê. Keda însanan yena werdiş, domanî îstîsmar benê, cinîyî şîdet vînenê û xoza talan bena. Krîzê ekonomîyî ver însanî kewenê tenganîye. Nika zî wazenê şerîatî raşt bikerê û domananê ma bikerê qirbanê nê zîhnîyetî. Seba ke domanê nê welatî perwerdayêko hemdem, têduşt û azadane bivînê, ma yenê têhet. Ma wazenê wa pêro şarê ma bêro û ma pîya rîyê nê zulmatî penc bikerê.”
Dezgeyanê ke îmza eşta vilaweke nê yê:
Federasyonê Elewî û Bektaşîyan
Federasyonê Komeleyanê Elewîyan
Fedarasyonê Weqfanê Elewîyan
Konfederasyonê Yewîtîya Elewîyan yê Ewropayî
Komeleyanê Kulturî yê Elewîyan
Komeleya Kulturî ya Pîr Sultan Abdalî
PÎRHA / ENQERA