Ebdî: Ameyoxê Sûrîyeyî Îdareyo Xoser o

Fermandarê Pêroyî yê QSDyî Mazlûm Ebdîyî va, “Ameyoxê Sûrîyeyî xo Tirkîya ra nêzdîkerdiş nîyo, ameyoxê Sûrîyeyî Îdareyo Xoser o.”

Fermandarê Pêroyî yê QSDyî Mazlûm Edbî, zoomî ser ra bi beşdarê kargeha Meclîsa Sûrîyeyî ya Demokratîkî ya Şehbayî û meseleyanê peyênan ser o erjnayîşî kerdê.

‘Tirkîya plananê xo El Kaîde ser ra ramnena’

Mazlûm Ebdîyî va, “Dewleta îşxalkare, seba ke bieşka plananê xo raye ra bera waşte otorîteyo merkezî awan bikero. Demanê peyênan de mabênê Sûrîye û Tirkîya de pêvînayîşî ke bîyê, tayê çeteyan dî ke nê polîtîkayî înan rê xizmet nêkenê. Ewro Tirkîya plananê xo bi Tahrîr El Şamî ser ra ramnena. Seba ke cayê Sûrîyeyî yê bînî bêrê îşxalkerdiş, înan ra paştî wazena.”

‘Ma ganî şertanê azadkerdişê Efrînî hedre bikerê’

Ebdîyî va, “Efrîn tena hetê Tirkîya ra ney, bi komploya pêro dewletan ame îşxalkerdiş. Seba ke Efrîn îşxalê Tirkan ra bixelisîyo, ma ganî şertanê azadkerdişê Efrînî hedre bikerê. Şertê tewr muhîmî, şertê sîyasî û şertê ekonomîk ê. Hêza ma esta ke ma pêro cayanê îşxalbîyayîyan azad bikerê.”

‘Ameyoxê Sûrîyeyî Îdareyo Xoser o’

Ebdîyî peynî de va, “Xelasîya Sûrîyeyî xo nêzdîkerdişê Tirkîya nîya. Çunke Tirkîya wazena sey Hetayî Sûrîyeyî îşxal bikera. Ameyoxê Sûrîyeyî Îdareyo Xoser o. Îstîqrar û ewleyîye do bi Îdareyê Xoserî awan bibê.”

ANHA/ŞEHBA