Efrîn de nameyê meydan û dewan kerdê Tirkî

Efrîn de polîtîkayê vurînayîşê demografîkî yenê ramitene.

Hetê Tirkîya û komanê ci yê paramîlîteran ra 20ê Çeleyê 2018î de hêrişî dest pêkerdibî û dima Efrîn kewtibi destê înan. Efrîn de polîtîkayê vurînayîşê demografîkî dewam kenê. Sûcê sey tacîz, tecawiz, xesb, remnayîş û qetilkerdişî bajar de yenê kerdene û nika zî nameyê meydan û dewan bîyê Tirkî.

Goreyê xebera ANHAyî dew û meydanê ke nameyê înan ameyê vurînayîş nê yê:

*Qezaya Bilbilê de nameyê dewa Kûtana bi Selçuk Obası, nameyê dewa Qestel Mîxdad bi Zafer Obası, nameyê dewa Xelîloko vi Halilak Obası û nameyê dewa Bûkê zî bi Bak Obası.

*Qezaya Mabeta de nameyê dewa Maîmala bi Mamal Uşağı, nameyê dewa Şikêtya bi Maghar Jug, nameyê dewa Kurzîlê Çêyî zî bi Cafer Obası.

*Qezaya Rocayî de nameyê dewa Çeqmeqa Mezin bi Büyük Çakmak.

*Meydanê Azadîye bi Atatürk Meydanı, Çatrayîrê Watanî bi Recep Tayyip Erdoğan Kavşağı, Çatrayîrê Newroze bi Salah El Dîn Kavşağı, Çatrayîrê Kawayê Hesinkarî bedilîya bi Zeytin Dalı Kavşağı.

*Cayê ke kewtê binê hukmê Tirkîya de, seba xebatanê asîmîlasyonî bi nameyê Yunus Emre Akademisi 3 akamemîyî ameyê akerdene.

MERKEZÊ XEBERAN