Tirkîya bombayî varnayê Efrîn: 9 wendegehan de perwerde ame vindertene

Tirkîya vîzêr şan bombayî varnayê Efrîn. Hêrişan ver 9 wendegehan de perwerde ame vindertene.

Tirkîya 4ê Teşrîna Verêne ra nat hêrîşê Bakur û Rojhelatê Sûrîyeyî kena. Vateyanê Wezîrê Karanê Teberî Hkan Fîdanî ra dima xeylê cayî ameyê bombakerdene.

Dewê girêdayîyê qezaya Efrînî ya Şerayî Tat Meraş û Şêwarxa vîzêr şan hetê Tirkîya ra ameyê bombakerdene. Hema derheqê netîceya hêrişan de malûmatî nêameyê girrewtene. 

Goreyê xebera ANHAyî ameyo dîyarkerdiş ke hêrişan ver 9 wendegehî ameyê padayene û wendekarî perwede ra ca mendê.

Endamê Komîteya Perwerdeyî ya Kantonê Efrîn-Şehbayî Urûba Xelîle dîyar kerd ke Şera û Şêrawa de seba pawitişê domanan 9 wendegehî ameyê padeyene.

Xelîle va, “Hêrişî ke zêdîyayê, ma seba ke wendekaran bipawê 9 wendegehan de perwerde ame vindertene. Bi padayîşê wendegehan hezar ra zêderî wendekarî perwerde ra mehrûm mendê.”

Xelîle sazîyanê heqanê merdiman rê gazîye kerde ke wa vera hêrişan vengê xo bikerê.

YENÎ YAŞAM