Ekîba Hinek Henekî ra vatevatêk

Nûçeyên Komel û Cuye

pêncşem 23 hezîranê 2022 - 10:33

Kaykerdoxanê Hinek Henekî Komeleya Kultur û Hunerî ya Dîcleyî de temaşekerdoxan reyde vatevatêk viraşt.

Kaykerdoxê Hinek Henekî Komeleya Kultur û Hunerî ya Dîcleyî ya Sûrî de tîyatrokaran, nuştoxan û temaşekerdoxan de ameyê têhet. Kaykerdoxan ra Erdal Kaya, Rûgeş Kirici, Perînaz Delazy û Ozcan Ateşî bername de ca girewtê. Înan derheqê kayan de qisey kerd û fikre temaşekerdoxan firewtê. Kaykerdoxanê Tîyatro Jiyana Nûyî ra Rûgeş Kirici vate, “Wextê pandemîyî de m ava ma senî xo rasnenê ttemaşekerdoxan û ma dest bi Hinek Henekî kerd. Ma xeylê zehmetîyî antê. Dim ama kampanyaya ‘Şima binûsê, ma kaybikerê’yî da destpêkerdiş. Ma bi îmkananê zehmetan kayî kaykerdê. No zî ma rê bi moralêk.”

Hinek Henekî rê eleqe zêde yo

Dima kaykerdoxanê Şanoya Bajêr a Amedî ra Ozcan Ateşî qisey kerd û va, “Ez vîst serran ra nat karê tîyatroyî kena, hema reya verên a ke ez vatevatêk kena. No zî serkewtişê temaşekerdoxanê Hinek Henekî yo. Ma waşt têkilîya ma û  temaşekerdoxan nêbirîyo û ma temaşekerdoxan reyde kayanê xo kaykenê û ancenê. Ma nika aşme de 2 beşan ancenê, la nîyetê ma esto ma aşme de 4 kayan biancê.” Perînaz Delazy vate, “Hinek Henek ma rê sey wendegeyî yo. Ma do karê xo hîna aver de berê. Kaykerdox Erdal Kayayî zî va, “Derdê ma ziwanê ma yo. Wextê zaningehî de mi Tirkî kaykerdêne la dima ez ke ameya welat mi dest bi Kurdkî kerd. Hinek Henek rayîrêk girewto.” Dima vatevat bi persanê temaşekerdoxan dewam kerd.

MA / AMED

parvê bike

   

Yeni Özgür Politika

© Copyright 2022 Yeni Özgür Politika | Mafên belavkirinê parastî ne.