Emîne Şenyaşare: Ez edaletî seba her kesî wazena

Roja 809ine ya Nobeta Edaletî de Emîne Şenyaşare dîyar kerd ke edaletî seba her kesî wazena.

Nobeta Edaletî ya ke hetê Emîne Şenyaşare û Ferît Şenyaşarî ra 9ê Adare 2021î ra nat yena girewtene dewam kena. Ferît Şenyaşar seba karanê parlamenterîye Enqera de yo û nobete hetê Emîne Şenyaşare ra yena girewtene. Şûbeya SESî ya Rihayî paştî da Emîne Şenyaşare.

‘Emîne Şenyaşare nimûne ya’

Hemsekê Şûbeya SESî ya Rihayî Salih Karataşî va, “Hende wext vîyerto la waştişê edaletî yê keyeyê Şenyaşaran nêameyo ca. Waştişê edaletî yê Emîne Şenyaşare waştişê ma pêrunan o. Kesanê ke îqtîdarî ra paştî girewta vernîya kamerayan de qetlîam kerdo. Xoverdayîşê Emîne Şenyaşare ver pêro rastîyî eşkera bîyê. A pêro edaletwaştoxan rê bîye nimûne. Ganî her kes paştî bido xoverdayîşê dayîka Emîne.”

Nobete do dewam bikera

Emîne Şenyaşare va, “Heta ke lajê min a girewte meyero verdayayîş nobete do dewam bikera. Hinî bes o, wa no zulim hinî biqedîyo. Ez edaletî seba her kesî wazena. No zulim cayêk de nêameyo dîyayene. Zereyê nêweşxaneyî de ma ameyê qetilkerdiş.”

MA / RIHA