Mêrdîn de zî Nobeta Edaletî dîyaye dest pêkerdene

Parlamenterê DEM Partîye yê Mêrdînî Kamuran Tanhanî va, “Destê haştîye yo ke hetê Abdullah Ocalanî ra derg bîyo ganî bêro girewtene.”

Mêrdîn de zî Nobeta Edaletî dîyaye dest pêkerdene. Verê nobete vernîya awanîya DBPyî de eşkerayîye ameye kerdene. Parlamenterê DEM Partîye Kamuran Tanhan, Salîha Aydenîze û Berîtan Guneşe û xeylê temsîlkarê sazîyan bîyê beşdarê eşkerayîye.

Eşkerayîye de parlamentere DEM Partîye yê Mêrdînî Kamuran Tanhanî qisey kerd û dîyar kerd ke fikre Abdullah Ocalanî tena seba Kurdan ney seba pêro şaranê Kurdan muhîm ê. Tanhanî va, “Keso ke seba çareserîye kede dano û seba haştîye destê xo derg keno Birêz Ocalan o. Ganî no dest bêro girewtene. Heta zindanî veng bibê ma do xoverdayîşê xo biramnê.”

Qiseykerdişan ra dima, eşkerayîye bi slogananê ‘Biciwîyo xoverdayîşê zindanan’ qedîyaye. Nobeta Edaletî do awanîya DBPyî de bêra girewtene.

MA / MÊRDÎN