Nobetê Edaletî: Ma haştîye, demokrasî û azadîye wazenê
sêşem 12 kanûnê 2023 - 16:03
Nobetê Edaletî yê ke seba ke paştî bidîya grevê vêşanîye Amed, Wan, Mersîn û Edene de dîyayê dest pêkerdene dewam kenê.
Girreewteyanê sîyasîyan bi waştişê ‘Abdullah Ocalanî rê azadî, meseleya Kurdan rê çareserîya sîyasî’ kewtê grevê vêşanîye. Seba ke paştî bidîya na çalakîye Amed, Wan, Mersîn û Edene de Nobetê Edaletî dîyayê dest pêkerdene û nê nobetî ddewam kenê.
WAN
Bi rayberîya TUHAY-DERî yê Wanî awanîya DBPyî ya Wanî de nobete 6 rojî yo dewam kena. Xeylê kesî şîyê zîyaretîya nobete.
Merdimanê girewteyan ra Sevat Bayhanî va, “Ma seba pêro şaran haştîye, demokrasî û azadîye wazenê. Ganî Kurdî pêro pîya wurzê payan ser. Ma serran ra nata mîyanê kilanê nê adirî de yê û ma wazenê wa hinî no adir hewn a şoro.”
MERSÎN
Nobeta Edaletî ya ke bi rayberîya Çukurova TUAY-DERî ra dîyaya dest pêkerdene dewam kena. Hemserekê komeleye Ergîn Altuntaşî dîyar kerd ke nêzdîyê hezar girewteyî gvevê vêşanîye de yê û ganî paştî bidîyo na çalakîye.
EDENE
Nobeta Edaletî ya Edeneyî de azadîya fizîkîya Abdullah Ocalanî ser o nîqaşî ameyê kerdene. Endam û îdarekarê TJA, DBP, HEDEP û HDPyî bîyê beşdarê nobete.
AMED
Nobeta edaletî, awanîya HEDEPî ta Rêzanî de dewam kena. Îdarekarê HEDEP, DBP, komeleya Dîcle Firatî, Komeleya Cinîyan a Rosaye şîyê zîyaretîya nobete.
YENÎ YAŞAM