Keyeyê Şenyaşarî ra qerarê Nobeta Edaletî

Fadil Şenyaşar tehlîye nêbi û keye qerar girewt ke do Nobeta Edaletî Enqera de biramnê.

Dewaya ke deheqê hêrişa ke Şenyaşaran rê bibî de ameybî akerdene Meletî de ameye dîyayene. Fadil Şenyaşar o ke Xarpêt de 5 serrî yo ke hucreya yewkesine yeno girewtene tehlîye nêbi. Keye, dewa ra dima derheqê qerarî de vernîya edlîya de malumat da. OHD, Parlamenterê Partîya Çep a Keske, Serekê Baroya Rihayî û xeylê awiqatî bibê beşdarê malumatî.

Awiqatanê keyeyî ra Bulent Duranî va, “Ma sere ra zanê ke berpirsîyarîya îqtîdarî esta. Qetlîamo zaf xirab ame kerdene û faîlî ameyê nimnayene. Şahidî ameyê vîndîkerdene, dîmenî ameyê ameyê çinkerdene û delîlî ameyê xirabkerdene. Dayîka Emîne bi xoverdayîşê xo yê edaletî mesajêk dana. Vana eke edalet esto ganî her kesî bipawo. Waştişê ma seba her kesî yo. Ganî her kes paştî bido dayîka Emîne û wayîrê xoverdayîşê aye bivejîyo.”

Nobete do Enqera de dewam bikera

Parlamenterê Partîya Çep a Keske yê Rihayî Ferît Şenyaşarî va, “Ma 5 serran ra nat Riha de xoverdayîşê edaletî dayêne û netîceyê ci de dewayêk ameye akerdene. Mehkema Meletî de ya. 8 serran de xeylê dozgerî ameyê vurînayene. Ma tîya de musayê ke heyete mehkema reyana bedilîyayo. Ma verî cu zî vatibi ke eke qerarêko edilane mejejîyo ma do nobeta xo Enqara de biramnê. Ma do qerarê xo biyarê ca. Ez û dadîya xo do nêzdî ra şorê Enqera û nobeta xo uca de biramnê.”

MA / RIHA