Fekodî ra cewab ame

şemî 8 Çileyê 2022 - 01:44

  • Federasyonê Komeleyanê Dêrsimî, çalakîya ke bi nameya ‘Rojê Şinaşdayîşê Dêrsimî’ rexne kerd. Nînan va şima pê xebatanê xo, ma sey dişmenê şarê xo mojnenê. Yew rayîrê wayîr vejîyayîşê Seyîd Rizayî û Dêrsimî esto. Ganî ma wayîrê mîrasê înan bivejîyê û înan aver de berê.

Fekodî malûmatêko nuştekî weşana û malûmatanê xo de nêyî vatî: “10 serran ra nat Îstanbûl de Rojê Heremî yê Şinasdayîşî yenê organîzekerdiş. Ma zî sey federasyonêk qerar da ke emser derheqê Dêrsimî de xo amade bikerê. Nê organîzasyonî rê elaqeyê şarê ma zaf pîl bi la malesef ma ganî derheqê tedeyîya organîzasyonî rexneyanê xo bikerê.

Çira şima nameyê ‘Tuncelî’yî şuxilnenê

Federasyon, rexneyanê xo pê çar persan ardî ziwan û înan va şarê ma zaf mereq keno:

1. Şima çira organîzasyonî sey ‘Rojê Şinasdayîşê Dêrsimî’ ney sey ‘Rojê Şinasdayîşê Tuncelî’yî name kerd?
2. Şima çira qismê erjanê ma de, fotografê Seyîd Rizayî sereyî de ney tewr peynî de nabi ro?
3. Şima çira na çalakî pê şerîkanê heme komaleyanê Dêrsimî organîze nêkerd?
4. Na çalakî hetê kamî ra ameya organîzekerdiş?

Ma û şarê ma cewabê nê persanê xo yê. Komaleyanê ke çalakî organîze kerda, înan va ma waşt çalakî  bi nameyê Dêrsimî bo la Beledîyeya Îstanbûlî nameyê Tuncelîyî weçîna. Ganî şarê ma bizano ke, ma seba naye xo ver da la beledîye dezgeyêka dewlete ya û fikrê înan teng o. Derheqê fotografê Seyîd Rizayî de zî înan va, raşta zî bizanayîş çîyêko winasî nêqewimîyayo, têmîyanîyêk bîyo û resmê pîrî şîyo hetê peyî. Nê probleman ra teber, çalakîya ma zaf serkewtî vîyarte. Ma ganî timûtim wayîrê kulturê xo bivejîyê.

MERKEZÊ XEBERAN

parvê bike

   

Yeni Özgür Politika

© Copyright 2022 Yeni Özgür Politika | Mafên belavkirinê parastî ne.