‘Ganî waştişê girewteyanê grevê vêşanîye bêrê caardene’

Hemserekê Şûbeya ÎHDyî yê Amedî Ercan Yilmazî d3iyar kerd ke ganî waştişê girewteyanê grevê vêşanîye bêrê caardene û çalakîyanê Nobetanê Edaletî rê wayîr bivejîyo.

Girewteyanê sîyasîyan, 27ê Teşrîna Pey3ene de kewtê grevê vêşanîye û çalakîya greve vêşanîye dewam kena. Hemserekê Şûbeya ÎHDyî yê Amedî Ercan Yilmazî derheqê waştişanê girewteyan de qisey kerd.

‘Tecrîd komelî ser de bandor keno’

Yilmazî va, “Hem Abdullah Ocalanî hem zî girewteyanê bînan rê tecrîdêko giran yeno ramitene û hiqûq yeno binpaykerdene. Ma 3 serrî yo vanê no çîyêko hiqûqî nîyo û sîyasî yo. Tecrîd raşta zî komelî ser de bandor keno. 27ê Teşrîna Peyêne ra nata hepisxaneyan de grevê vêşanîye yeno kerdene.”

‘Hukmat ganî grevanê vêşanîye bivîno’

Yilmazî va, “Şîkayetî ameyê rasayê ma ke, girewteyan dîyar kerdo ke hetê îdareyî ra erzîyenê hucreyan û zadî, mineral û vîtamînê ke ganî bidîyê girewteyan nêdîyenê înan. Seba ke nê çalakîyî merasê astêka talukeyîne ganî waştişê girewteyan ê hiqûqî û meşrûyî bêrê caardene.”

Yilmazî va, “Girewteyî wazenê wa qanûnê înfazî her kesî rê bi têduştîye bêro caardene û meseleya Kurdan bi rayanê dîalog û muzakereyan çareser biba. Seba ke entîsîteyê înan û îdeolojîyê înan cîya yê heqê Kurdan bi hezaran rey ameyê binpaykerdiş. Goreyê muqaveleyanê mîyanneteweyîyan ganî Tirkîya nê heqan bêra caardene. Grevê vêşanîye ramojneno ke Tirkîya nêşkena meseleyan bi dîalogî çareser bikera. Meseleya greve vêşanîye hema ke nêrasaya astêka talukeyine ganî bêra çareserkerdene.”

‘Ganî raya pêroyîye paştî bida nê waştişan’

Yilmazî bale ante Nobetanê Edaletî ser o ke 6 bajaran de dewam kenê û va, “Ma sey ÎHDyî şîyê zîyaretîya înan û ma paştî da çalakîya înan. Ma dîyar kerd ke waştişê înan meşrû yê û ma do tim hetê înan de bê. Ganî raya pêroyîye ya Tirkîya paştî bida waştişê dayîkan. Polîtîkayê ewleyîkarîye pêro Tirkîya ser o bandor kenê. Coka, ganî goş bidîyo Nobetanê Edaletî yê dayîkan ser.”

MA / AMED