Dolaba cemedî nêdîyena rojnamegeran

Dîyarbekirî de 16ê Hezîrane de 16 Rojnamegerê Kurdî ameybî girewtene. Dolaba cemedî, televizyon û kitabî nêdîyenê rojnamegeran.

Dîyarbekirî de 8ê Hezîrane de rojnamegerê Kurdî gêrîyaybî binê çimî û 16 rojnamegerî ameyê girewtene. Rojnamegerî nika hepisxaneyan de raştê binpaykerdişê heqan yenê. Rojnameger Ömer Çelîk hepse Dîyarbekirî de yo û keyeyê xo rê behsê binpaykerdişanê heqan kerdo.

Çelîkî vato, “Ma nêzdîyê 2 aşman ra nat hepis de yê û kitabê ke ma rê erşawîyayê hema zî nêrasayê destê ma. Serê 40 dereceyan de germayî esta. Ma dolaba cemedî waşt la waştişê ma nêame ca. Reyna ma televizyon waştibi la no waştişê ma zî nêame ca. Îdarekarî vanê kitabî do sereyê Êlule de birasê destê şima. Derheqê nêdayîşê dolaba cemedî û televîzyonî de zî çîyêk nêame vatiş.”

Awiqatanê rojnamegeran vato, ma do derheqê meseleye de îdareyê hepisxaneyî rê muraceat bikerê.

MA / AMED