HDP ra seba mîtîngê ‘Çareserîye ma yê’yî gazîyêk

duşem 1 tebaxê 2022 - 17:02

  • HDP do bi nameyê ‘Çareserîye ma yê’yî Dîyarbekirî de mîtîngêk bivirazo.

HDP do bi nameyê ‘Çareserîye ma yê’yî Dîyarbekirî de mîtîngêk bivirazo.

HDP do bi nameyê ‘Çareserîye ma yê’yî 6ê Tebaxe de Dîyarbekirî de mîtîngêk bivirazo. Verê mîtîngî hetê 25 wekîlan û îdarekaranê mintiqayîyan ra xebatê mîtîngî yenê ramitene. Hemserekê HDPyî yê Dîyabekirî Zeyad Ceylan û wekîlê HDPyî yê Dîyarbekirî Îmam Taşçierî derheqê mîtîngî de malûmatî dayê.

Verba zulmî ver bi meydanan

Hemserekê HDPyî yê Dîyarbekirî Zeyad Ceylan3i va, “Şer tecrîdî, tecrîd zî şerî keno giran. Şarê ma çirey vera zulmî bêveng nêmendo. Şarê Dîyarbekirî do vengê xo Meydanê Îstasyonî de berz bikerê. Ma do hêza xo xurte bikerê û çi beno wa bibo, ma do serbikewê.”

‘Kurdî ganî bêveng mebê’

Wekîlê HDPyî yê Dîyarbekirî Îmam Taşçierî va, “Her hetî ra Kurdî raştê hêrîşan yenê. Kurdî do mîtîngî de mesajê yewîtîye bidê. Mîtîngê ma do îşxalan rê zî bibo cewab. Heta ke meseleya Kurdan çaresere meba, meseleya demokrasîyî safî nêbena. Seba çareserîye, ganî hêverî tecrîdo ke Birêz Ocalanî ser de yeno ramitene biwedarîyo. Ma do Meydanê Îstasyonî de waştişanê xo biyarê ziwan. Ma pêro şarê xo silaynenê mîtîngî.”

MA / AMED

parvê bike

   

Yeni Özgür Politika

© Copyright 2024 Yeni Özgür Politika | Mafên belavkirinê parastî ne.