Dengbêj Feyzoyê Rizoyî wefat kerd

Dengbêj Feyzoyê Rizoyî nêweşîya kanserî ver bajarê Rûsya yê Krasnodarî de wefat kerd.

Dengbêj Feyzoyê Rizo yo ke bajarê Rûsya yê Krasnodarî de ciwîyayêne nêweşîya kanserî ver wefat kerd. Rizoyî d serrî yo ke nêweşîye ver tedawî dîyêne û rojanê pêyênan de rewşa ci girane bibîye. Ame dîyarkerdiş ke cinazaya ey do meşte bajarê Krasnodarî de bêra wedartene.

Derheqê Rizoyî de

Feyzoyê Rizo yo ke birarzayê dengbêjanê Şêroyê Biro û Mecîdê Farisî bi, 1954î de dewa Vermezyara ya Rewanî de ameyo dinya. Keyeyê ey tehcîrê Ermenîyan ra dima koçê Ermenîstanî kerd. Vengê Rizoyî 26 serrî Radyoya Rewanî ra xo rasna her cayê Kurdistanî. 2003yî ra dima Feyzoyê Rizo xeylê bajaranê Kurdistanî de bi beşdarê festîvalan û Egîdê Cîmoyî reyde vejîyayê sehneyî ser. Ey xeylê serran kulturê Êzidîyan û şarê Kurdî rê xizmet kerd.

MERKEZÊ XEBERAN