Hewsel payîzî ra xatir wazeno

Baxçeyê Hewselî yê ke Lîsteya Mîrasê Kulturî ya UNESCOyî de ca genê, bi renganê tewir-tiwiran payîzî ra xatir wazenê.

Baxçeyanê Hewselî yê Dîyarbekirî de 8 hezar serrî ra nat mêmabên rence yena kerdene. Baxçeyî bi na taybetîya xo kewtê Lîsteya Mîrasê Kulturî ya UNESCOyî mîyan. Baxçeyê Hewselî bi renganê tewir-tewiran payîzî ra xatir wazenê.

Baxçeyan de hem rence yena kerdene hem zî tîya hetê ekosîstemî ra zaf dewlemend o. Verî cû Dîcle ser ra bi kelekan kolîyî, heywanî, merdimî ameyêne kiriştene la nika tena çend masegirî nê kelekan gurînenê.

Wezaretîya Derûdorî û Bajarwanîye çend rey waşt Hewselî awanîyan rê abikero. Netîceya xoverdayîşan verê înan ame girewtene. Qeyyûmî bi nameyê ‘Tesîso Sosyal’î çend awanîyî Hewsel de viraştê. Îşxalê baxçeyan bi kafe û kargehan bêmabên dewam keno.

Nê baxçeyî aluvyolan ra peyda bîyê. 8 hezar serrî ra nat tîya de rence yena kerdene. Hewsel de 22 tewir darî estê û nê baxçeyan de xeylê tewirê endemîkî cuwîyenê. Hewsel, bi pêro rindikîya xo payîzî ra xatir wazeno û ver bi zimistanî şono.

MA / AMED