‘Huner eşkeno merdimî bixelisno’

Nûçeyên Çand/Huner

çarşem 8 hezîranê 2022 - 16:17

Hunermendo multecî Ayhan Urmîye kampê multecîyan de bi hunerî xo ver dano.

Ayhan Urmîye 2018î ra nat Almanya de kampêkî multecîyan de maneno. Ayhan Urmîyeyî mîyanê nê wextî de 2 fîlmî antê û kitabêk nuşto. Hunermend Ayhan Urmîye 1986î de Urmîye de ameyo dinya. Ciwanîya xo de kewto mîyanê xebatanê kultur û hunerî. Urmîye de Merkezê Ehmedê Xanîyî de kede daya. Dima xebatanê xo ver remayo ameyo Wan. Tîya ra zî şîyo Almanya û tîya de bîyo multecî. Bê kitab û fîlman, o Youtûbî ser ra bernameyêkî bi nameyê ‘Îro Show’î hedre keno û pêşkêş keno. O bernanamê xo de bi yarîyan rexneyanê sîyasîyan û komelkîyan keno. Ayhan Urmîye vano, “Ez yarîyan ra bawer kena. Merdim eşkeno mesajanê xo bi yarîyan birasno merdiman. Heto bîn ra zî, yarîyî zerra merdimi şa kenê. Ez bawer kena ke merdim eşkeno xo bi hunerî azad bikero û bixelisno.”

* Na xebere VOA KURDÎ de vejiya.

parvê bike

   

Yeni Özgür Politika

© Copyright 2022 Yeni Özgür Politika | Mafên belavkirinê parastî ne.