Awazê Niştimanê Kurdistanî: Hesen Zîrek

Hunewrmendê Kurdan Hesen Zîrekî, 26ê Hezîrane 1972yî de na dinya ra bar kerd.

Hunermend Hesen Zîrek, 1921î de dewa Hermelê ya Bokan ê Rojhelatê Kurdistanî de ameyo dinya. Qijkekîya ey de pîyê ci mireno û dadîya ci zewicîyena. Bêçareyî ver 12 serrîya xo de dewa x ora vejîyeno şino Seqiz. Diam reyna agêreno la zaf nêmaneno û narey şino Tebrîz û Tehran. Hema vajê kar nêmaneno ke tede mexebitîyo. Zaf zehmetîyan anceno. Badê verê xo dano Kurdistanê Başûrî. Tîya de Silêmanîyeyî de ca dano xo. 

Hunermend Hesen Zîrekî xeylê deyîrî viraştê û arê dayê. Ey deyîra xo ya verêne 1953yî de Radyoya Bexdayî de vata û vengê ey sînoran dezbaz kerdo. Bexdatî de 70 deyîranê Kurdan arê dano. 1958î de reyna agêreno Îran, şino Tehranî de Radyoya Tehranî de 39 deyîran vano û qeyd keno. 1962î de şino Radyoya Kirmaşanî de kede dano û tîya de zî 83 deyîran qeyd keno. Deyîrê ey ê tewr serkewteyî Radyoya Kirmaşanî ra vejîyayê. 

Hesen Zîrek dewe bi dewe, bajar bi bajar Kurdistanî ra gêreno û rewşa şarê xo deyîranê xo de dano teber. Ey 1500 deyîrî vatê û qeyd kerdê. Şîîrê şaîranê sey Nalî, Wefayî, Seyîd Kamil, Îmamî, Kurdî, Pîremêrd, Hêmin, Tahir Begê Cafî hetê ey ra ameyê bestekerdiş. Deyîra ci ya Newroze ya ke şîîra Pîremêrdî ra viraşta, pêro Kurdistanî de yena zanayene. 

Deyîra ci ya tewre namdare ‘Ey Niştiman’ a. Zîrekî na deyîre 1946î de Cumhûrîyetê Mehabadî ser o viraşta. Wexto ke Cûmhûrîyetê Mehabadî yeno rijnayene û Qazî Mihemed û embazê ey yenê dardekerkiş, no Hesen Zîrekî ser o tesîrêko pîl virazeno. Hesen Zîrek naye ser o deyîra xo ya namdare ‘Ey Niştiman’î virazeno.

“Ey netewekanî delal
, Ey Kurdekan ey baskeşêr, Ey niştiman, niştimanî ciwan, 
Xakî Aryan wetanî Kurdan

Ey rozî Kurdî kaşan
, Bo Kawekan li her deran
, Ey rozî Kurdî ber efşan, 
Bo Kawekan li her teraf

Bo te dikoşim bi dil û bi can, 
Bo serkewtinî xakî niştiman

Ey keynekan ey lawekan
, Tê dikoşim cergê qawmekan
, Ey niştiman, niştimanî ciwan
, Xakî Aryan wetanî Kurdan


Bo te dikoşim bi serkewtinî
, Pêşmerge hebû lawî qehraman”Hesen Zîrek 1958î de Medya Zendîye reyde zewicîyeno. Bi nameye Arezû û Sakarî 2 domanê înan benê. Hesen Zîrek 1971î de nêweşîya penceşîrî keweno. Badê serrêk, 26ê Hezîrane 1972yî de na nêweşîye ver na dinya ra bar keno. Cinazeyê ey Bokanî de yena wedartene.

MERKEZÊ XEBERAN