Alaaddîn Kara yo ke bi serran ocaxanê madenî de xebitîyayo vano, “Binê erdî de merdimi ganê xo dane, vêşenê û çin bene.”
Nuştox û fotogfafkêş Alaaddîn Kara, 35 serrî madenan de xebitîyayo. Badê teqawitbîyayîşê xo dest bi fotografkêşîye kerde û fotografê karkeranê madenan antê. Nika ey bi nameyê “Objektîja Karkerêkî Madenî ra Pêşangeya fotografan a Alaaddîn Karayî” Enqere de pêşengeyêk akerda. Karayî va, “Ma vînenê ke şertê madenan sey şertanê se serran ra verî yê. mi waşt ez pê pêşengeya xo paştî bidî embazanê xo û pêbihesnî ke rewşa înan çi ya. Ez 35 serrî ocaxan de xebitîyaya. Raşta zî însanî ganê xo danê û vêşenê. Nê wextanê peyînan de efxanî ocaxan de xebitîyenê. Raşta zî na rewşe seba înan di qate hîna giran a. Ganî karkerî timûtim heqanê xo bipawê. Hêvî her wext zîle dana.”
MA / ENQERE
parvê bike
Nûçeyên ku dikare bala we bikşîne
