Karê kalikan ê 112 serran: Sabûnê Gola Wanî

• Murad Saît Yaşar karê kalikanê xo yê 112 serran keno. Yaşar awa Gola Wanî ra 18 tewir sabûn virazeno. 

MEHMET ŞAH ORUÇ / MA / WAN

Murad Saît Yaşar karê kalikanê xo yê 112 serran keno. Yaşar awa Gola Wanî ra 18 tewir sabûn virazeno. 

Kalikê Murat Saît Yaşarî 1910î de Wanî de dest bi viraştişê Sabûnî kerdo. Wan tarîx de zî viraştişê sabûnî de cayêko taybet o. Goreyê rîwayetan, serra 1040î de Wan de 60 hebî kargehê sabûnî bîyê û tîya de 20 ton sabûn ameyêne viraştene. Vanê îderekaran nê sabûnan bêpere dayene feqîran û zengînan rê zî bi pereyan rotêne. Ê mendeyî zî erşawîyay3ene Îran û Iraqî. La nika tena yew kargehê sabûnî Wan de mendo.

Karê babî û kalikan

Murat Saît yaşarî va, “Ez ha kare babî û kalikan ramnena. Sabûnanê ma de çîyê kîmyewîyî çin ê. Teberê sabûnanê awa Gola Wanî ma Ssabûnanê defne, yê şitê bizan, lavanta, derzînek, qetran û yê şitê heran virazenê. Ma serra nîme ra nat sabûnanê xo de awa Gola Wanî şuxilnenê. Taybetîya na awe ya termalî esta. Na awe de flor, klor, karbonat, sole û soda estê. Ma kare xo bi keyfweşîye kenê. Dinya ser de gola sodayin a yeweke Gola Wanî ya. Ma zî waşt na awa sodayine sabûnanê xo de bişuxilnê. Ma cuwaver 6 tewir sabûnî viraştêne la nika bi waştişanê muşterîyan ma 18 tewir sabûn virazenê.”