Îdareyê Xoserî derheqê hêrişanê Tirkîya de gazîye kerde

Îdareyê Xoserî yê Bakûr û Rojhelatê Sûrîyeyî seba ke verê hêrişanê Tirkîya bêrê girewtene gazîye kerde.

Îdareyê Xoserî yê Bakûr û Rojhelatê Sûrîyeyî derheqê hêrişanê Tirkîya de eşkerayîyêka nuştekî daye. Eşkerayîye de ame vatene ke, “Wazenê bi fitne û zuran yewîtîya şarê ma bixeripnê. Dêrazor de û verê zî gişta Tirkîya mîyanê kerdenan de bî. Wazenê îstîqrarî bixeripnê û wazenê xoverdayîşê ma yê vera terorî asteng bikerê.”

Vera hêrişan gazîye

Bale ancîyaye hêrişa ke vizêrî ameye kerdene ser o û ame vatiş ke, “Vizêrî rayîrê Amude-Qamişloyî de û eynî wext de Şengel de vera wesayîtan bi SÎHAyan hêrişî ameyê kerdene. Hêrişan de şerwanê ke vera terorî şer kerdêne şehîd bîyê. Tirkîya vera şarê ma û modelê ma hêrişan kena û wazena nê cayan îşxal bikera. Ma hêrişanê dewleta Tirke şermezar kenê. Hêzê ma bi paştîdayîşê şarî vera terorî xo ver danê. Ma raya pêroyîya mîyanneteweyî rê gazîye kenê. Ganî verê hêrişkarîya Tirkîya bêro girewtene. Hêrişanê Tirkîya ver xoverdayîşê vera terorî asteng beno. Hêrişê Tirkîya nêşkenê ma qerardarîya xoverdayîşî ra dûrî bifînê. Çunke ma hêza xo îrade û israrê şarê x ora genê. Ma keyeyanê şehîdan rê serweşîye û birîndaran rê şîfa wazenê.”

MERKEZÊ XEBERAN