Îdareyê Xoserî dîyar kerd ke hêrişa SÎHAyî karê Tirkîya yo

Îdareyê Xoserî yê Bakur û Rojhelatê Sûrîyeyî dîyar kerd ke hêrişa de Amûdê de wesayîtêke rê ameya kerdene û kesêk cuya xo vîndî kerda karê Tirkîya yo.

Derheqê na hêrişa SÎHAyî de hetê Îdareyê Xoserî ra eşkerayîye ameye dayene. Ame dîyarkerdiş ke vîzêr şan wesayîtêke rê hêrîşêke ameye kerdene. Goreyê malumatan, eynî keye ra Ciwan Mihemedî cuya xo vîndî kerda û Munîr Abid Faris û Ronak Silêman Mihemed zî birîndar bîyê.

‘AKP seba meseleyanê xo yê zereyî binimno hêrîşan keno’

Eşkerayîye de ame vatene ke, “Tirkîya vera mintiqayanê ma hêrişanê xo ramnena. AKP seba ke meseleyanê xo yê zereyî binimnno hêrişê her cayî keno. Dewleta tirkab seba hêrişan mexneyanê bêbingeyan peyda kena. No şer mintiqayanê ma û haştîye hedef geno. Sivîlî hedef gêrîyenê. Dewleta tirkan pêro heqan binpay kena û bin ê kerdenanê xo sûcanê şerî kena.”

‘Pozîsyonê xo net bikerê’

Eşkerayîye de ame dîyarkerdiş ke bi hêrişan yeno waştene ke mintiqa de kaos vejîyo û ame vatene ke, “Hêzê ke mintiqa de îstîqrarî pawenê û vera terorî şer kenê ganî pozîsyonê xo net bikerê. Ganî hêrişê dewleta tirkan bêrê vindarnayene. Berpirsîyarê qetilkerdişê sivîlan ganî bi goreyê hiqûqê mîyanneteweyî vejîyê mehkema. Çunke nê hêrişî çalakîyê şîdetî yê û sûcê şerî yê.”

MERKEZÊ XEBERAN