Îdareyê Xoserî, hêrîşa ke muxabîranê Jin TV rê bîyê şermezar kerd

Daîreya Çapemenîye ya Îdareyê Xoserî, hêrişa ke muxabîranê Jin TV rê hetê Tirkîya ra ameye kerdene şermezar kerd.

Ameyo dîyarkerdiş ke rayîrê Amûdê û Qamişloyî ser de hetê Tirkîya ra wesayîtê rojnamegeran hedef gêrîyaya. Derheqê hêrişe de hetê Îdareyê Xoserî ra malumatêk ame dayene.

Malumatê înan de ame vatiş ke, “Dewleta tirke ya îşxalkare û çeteye ci, Bakur û Rojhelatê sûrîyeyî de qetlîamanê xo ramnenê. Pêro peymanê mîyannetewî hetê înan ra yenê binpaykerdiş. Dewleta tirke tim mexneyanê terorî vera rojnamegeran şuxilnena. Goreyê raporê RSFyî, Tirkîya warê azadîya çapenemîye de mabênê 180 welatan ra 149in a.”

‘Ganî hesab bipersîyo’

Malumatî de ame dîyarkerdiş ke 2023yî de Bakur û Rojhelatê Sûrîyeyî de 6 rojnamegerî ameyê qetilkerdiş û dewamê malumatî de ame vatiş ke, “Tewr peynî rojnamegero kurd Îsam Ebdullah hedef gêrîya. Ewro teyareya bêmerdimî ya dewleta tirke verê çimanê pêro dinya de Bakur û Rojhelatê Sûrîyeyî de wesayîta rojnamegeran hedef girewt. Ma komelê mîyannetewî û pêro têkildaran rê gazîye kenê ke wa vera sûcanê dewleta tirke mucadele bikerê û ci ra hesab bipersê.”

MERKEZÊ XEBERAN