Îran û Rojhelat de hêrs pîl beno

Xoverdayîşê şarî yo ke 16ê Êlule ra nat dewam keno pîl beno. Bi seyan kesî hetê rejîmî ra ameyê qetilkerdiş.

Xoverdayîşê şarî Îran û Rojhelatî de 2 16ê Êlule ra nat dewam keno. Serrgêra protestoyanê 2019î ra nat çalakîyî hîna xurt bîyê.

Jîna Emînî ya kurde hetê hêzanê rejîmî ra 16ê Êlule de Tehran de ameybî qetilkerdiş û dima protestoyan dest pêkerdibî.

Xoverdayîşê şarî kewt aşma xo ya hîrêyine. 17ê Teşrîna Peyêne de bajaranê Rojhelatî yê Urmîye, Mahabad, Bokan, Seqiz, Dîwander, Sinê, Kamyaran, Kirnaşan, Abdanan û Îlamî de şar kuçeyan de bi.

Çalakîyanê vîzêrî de 5 kesî hetê hêzanê rejîmî ra ameyê qetilkerdiş û xeylê kesî birîndar bîyê. Seba ke îmkanê komînîkasyonî kêmî yê, her ca ra xeberî nînê girewtene.
Çalakwanan vera hêrîşan xo ver da û sûbayêk ame kiştiş. Bokan de awanîya Beledîye ameye vêşnayene. Goreyê malûmatan, roja çarşemeyî protestoyan de Rojhelat de 10 kesî ameyê qetilkerdiş.

Xeylê bajaranê Îranî de zî çalakîyî ameyê kerdene. Bi taybetî Tehran, Meşhed, Babol, Tewrêz, Bender Abbas, Masal, Şîraz û Esfehanî de çalakîyî pîl û xurt bîyê.

Roja pancşemeyî bajarê Ruhulla Humeynî yê Humeynîyî de zî çalakîyî ameyê kerdene. Goreyê malûmatan, 43 kesê înan domanî, 342 kesî hetê hêzanê rejîmî ra ameyê qetilkerdiş.

MERKEZÊ XEBERAN